SOMALI LINKS
|
shir jaraaid ay maanta ku qabteen wadanka eriteria
Shiikh Shariif
Shiikh Axmed, Guddoomiyihii hore ee baarlamaanka, Shariif xasan Shiikh Adan iyo
Xuseen Maxamed Caydiid,
18/04/07,
Saddex siyaasi oo miizaan leh, ugu yaraan xagga xilalka ay hayaan, ayaa dowladda Ethiopia ugu
baaqay in ay ciidankeeda kala baxdo Soomaaliya.
Haddii ay taas ka baaqsato, waxay Ethiopia ugu hanjabeen in ay la kulmi doonto iska caabbin
aan ciidan u babac dhigi karaa jirin.
Guddoomiyaha ururka militeri iyo siyaasadba leh ee Maxkamadaha Shareecada, Shiikh Shariif
Shiikh Axmed, Guddoomiyihii hore ee baarlamaanka, Shariif xasan Shiikh Adan iyo Raiisal
Wasaare xigeenka dowladda Federaalka, Xuseen Maxamed Caydiid, ayaa shir ay wada jir ugu
qabteen Asmara, waxay Qaramada Midoobay ugu baaqeeyn in ay dirto Guddi soo baara dembiyo
dagaal oo ay sheegeen in ay ka dheceen Muqdisho.
Dembiyadaa waxaa geystay ayay yiraahdeen ciidammada Ethiopia, laakiin ayay ku dareen, waa
in la baaraa haddii ay jirto cid kala qeyb qaadatay.
Hore ayay eedeymaha noocan ah loo soo jeediyay, Dr Cumar Calasow, oo ah qaanuun yaqaan ku
takhasusay xeerarka dagaalkuna waxaa uu ku tilmaamay in dembiyo dagaal ay ka dheceen Muqdisho,
inkasta oo uu ku tilmaamay in aan dembi isir tir ahi aanuu ka dhicin.
Saddexdan mas'uul oo ay wehliyaan mudanayaal badan oo shalay laga eryay baarlamaanka,
ayaa kulankooda ku soo beegay iyada oo boqollaal kun oo dadkii Muqdisho degganaa ah ay
bara kiciyeen dagaallo iyo duqeyn xoog leh oo loo geystay xaafadaha magaalada qaarkood.
Dadkaas oo intooda badan u qaxay Shabeellada Hoose, qaar kale waxay gaareen gobollo aad
u fog fog iyo weliba dalalka dibadda qaarkood.
Waxaa kale oo ay arrintani ku soo beegantay iyada oo magaalada Muqdisho is afgarad laga
gaari kari la' yahay wadahadallo u dhexeeya saraakiil Ethiopian ah iyo Hoggaamiye
Dhaqameedyo magac qabiil kula shiraya Ethiopian-ka.
Hadalka ay mas'uuliyiintani soo jeediyeen waxaa kale oo uu ku soo beegmay maailn ka
dib markii 30 mudane oo ka tirsanaa baarlamaanka laga xayuubiyay xubinnimadii baarlamaanka.
Maantana waxaa isbeddel lagu sameeyay dowladda lagu magacaabay Xuseen Ceelaabe
in uu noqdo Wasiirka Dibadda, iyada oo Islaaciil Buubbaa oo xilkaa hayn jiray
loo dhiibay Wasaaradda Waxbarashada.
Taliyihii booliiska ayaa loo magacaabay Danjire, iyada oo jagadiisiina loo dhiibay
Cabdi Qabydiid oo ka mid ah Hoggaamiye kooxeed ka qeyb galay dagaalladii qabiilka
iyo kuwii siyaasadda ee Muqdisho intooda badan, kana tirsanaa Isbahaysigii isku
magacaabay la dagaallanka argagixisada ee ay Maxkamaudhu ka taagroonaadeen.
Source:BBC(London)
Ogadennews.com -
CONTACT BY EMAIL
|
SOMALI MAQAAL
|
Doollo Suugaan
Shirkii odayaal
dhaqameedka ee ay London ku qabteen halkan ka dhageyso
isaga oo cod ah
