18/01/06, Xuduudka dhinaca Ethiopia askari Ilaalo ah oo jooga Dowladda Eritrea ayaa u diiday in ay u ogolaato wafdi heer sare ah oo Mareykan ah in ay booqdaan xuduudka ay ku muransan yihiin iyada iyo Ethiopia.

Wafdigan oo ay hogaaminayso mas'uul sare oo ka trisan Wasaaradda Arrimaha Dibadda Mareykanka, Jendayi Frazer ayaa doonaysay in ay booqto Eritrea, si loogu dadaalo in xiisadda labada dal u dhaxeysa loo yareeyo.

Hase ahaatee, dibulumaasi ka tirsan Eritrea ayaa BBCda u sheegay in u ogolaashaha wafdiga Mareykanku uu ku tagayo xuduudka in loo arki karo in la yareesanayo go'aankii Beesha Caalamku ay afar sanadood ka hor ku dhameysay arrinta xuduudka.

Xukunkaas oo dowladda Ethiopia ugu baaqayay in ay dhulka lagu muransan yahay ku wareejiso dalka Eritrea. Ms. Frazer ayaa ka booqan doonta xuduudka lagu muransan yahay dhanka Ethiopia.

Gollaha Amaanka ee Qaramada Midowbay ayaa ka baaraandegaya sidii lagu yareen lahaa ciidamada nabad ilaalinta ee hadda jooga xuduudka lagu muransan yahay.

Source:bbc
Ogadennews -

CONTACT BY EMAIL