SOMALI LINKS
|
Sheekh Shariif oo la hadlay BBC-da
03/02/07,
Sheekh Shariif Sheekh Axmed
Guddoomiyihii guddiga fulinta ee Midowgii maxaakiimta Islaamka, Sheekh Shariif Sheekh Axmed,
ayaa markii ugu horaysay la hadlay saxaafadda tan iyo markii maleeshiyadiisii awoodoodii
lagu wiiqay duulaan ciidamada Itoobiya ku qaadeen Soomaaliya dhamaadkii sanadkii hore.
Sheekh Shariif Sheekh Axmed, oo hadda ku sugan dalka Kenya, ayaa u sheegay BBC-da,
in uu xiriir joogto ah la sameeyo hogaamiyayaashii kale ee midowgii maxkamadaha Islaamka.
Sheekh Shariif, wuxuu ku baaqay wadahadalo dib u heshiisiineed in lala galo dowladda hadda,
isagoo intaa raaciyay in uu rajaynayo in uu ka qaybgalo wadaxaajoodyo ka dhaca gudaha Soomaaliya, waase hadii jawigu ogolaanayo.
Guddoomiyaha Sheekh Shariif Sheekh Axmed, wuxuu sheegay in uu tagayo dalka Yemen, oo uu ka
wareegayo dalka Kenya.
Wuxuu sheegay in ciidamada ajnabiga ah ee dalka ku soo duulay ay gaystaan falal qabqabasho
ah oo ay muwaadiniinta Soomaaliyeed ay u qaataan Addis Ababa, isagoo intaasi ku daray in
ammaan xumo ay u keeneen magaalooyinka ay ka mid yihiin Muqdisho iyo Kismaayo.
Sheekh Shariif wuxuu xusay in wadada nabadda la mari karo oo xal Soomaaliya loo heli karo
oo kaliya marka ciidamada Itoobiya ay ka baxaan dalka oo ummadda Soomaaliyeed faraha looga
qaado in ay wada hadlaan oo iyagu heshiiyaan.
Wuxuu ku gacansayray ciidamada la leeyahay waxaa la gaynayaa Soomaaliya ee ka socda Midowga
Africa, wuxuu sheegay in nabad la ilaaliyo aysan jirin ee uu jiro dagaal wali socda hadii
aan la heshiinin aysan u banaanayn fursad ay ku yimaadaan Soomaaliya.
Source:BBC(London)
Ogadennews.com -
CONTACT BY EMAIL
|
SOMALI MAQAAL
|
Doollo Suugaan
Shirkii odayaal
dhaqameedka ee ay London ku qabteen halkan ka dhageyso
isaga oo cod ah
