SOMALI LINKS
|
Dad somaaliyeed oo gubay calanka Ethiopia
26/02/07,
Ciidamada Ethiopia waxay baaritaanno ka sameeyeen degaannada ku dhow-dhow wasaaraddii hore ee gaashaandhigga
Dadku waxay ku doodayaan in ciidammada Ethiopia oo goobtaas baaritaan ka sameynayay ay iyagu halkaa sureen calankooda,
hase yeeshee afhayeen u hadlay madaxtooyada Soomaaliya, ayaa beeniyay in calanka ay sureen ciidammada Ethiopia.
Afhayeenku waxa uu ku tilmaamay in ay ka dambeeyeen dad doonaya in ay shacabka kiciyaan.
Ciidammada Ethiopia oo ku sugnaa goobta calankooda lagu gubayay, wax jawaab ah kama aanay bixin.
Baaritaan
Ciidamada Ethiopia ee saldhiggoodu yahay wasaaraddii hore ee gaashaandhigga ayaa xalay iyo saakaba baaritaanno ka waday
degaanka ku dhow wasaaraddaasi ee Shiirkole ofishaale iyo dhabarka dambe ee wasaaraddaasi, iyagoo baarayey guryaha iyo
gaadiidka maraya degaankaasi.
Calanka Ethiopia oo la arkay isagoo ka suran degaankaasi Shiirkole ee ciidamada Ethiopia ay baaritaanka ka wadeen ayaa
waxaa ku qamaamay dadweyne aad u badan, kuwaasoo gubay calankaasi.
Aragtida goobjoogeyaasha
Goobjoogeyaal ku sugnaa degaankaasi ayaa sheegay in calankaasi Ethiopia laga suray dhowr goobood oo ay ku jirto
wasaaraddii hore ee gaashaandhigga, isla markaana ay ka dambeeyeen ciidamada Ethiopia, hase yeeshee waxaa taasi
beeniyey afhayeen u hadlay dowladda KMG ah oo qiray in calankaasi la suray meesha, hase yeeshee ay sureen dad
uu ku tilmaamay in ay doonayaan in ay fidno ka dhex abuuraan shacabka iyo dowladda KMG ah.
Agagaarka wasaaraddii hore ee gaashaandhigga ayaa waxaa dhowaan ka dhacay dagaal xooggan oo dhex maray ciidamada
Ethiopia ee halkaasi ku sugan iyo kooxo hubaysan oo weerar ku qaaday, wuxuuna ahaa dagaalkii labaad ee fool-ka-fool
loogala horyimaado ciidamada Ethiopia, wuxuuna dagaalkaasi sababay dhimashada ilaa 11 qof inta la ogyahay, iyadoo 15
kalena ay ku dhaawacmeen, iyadoo ciidamada Ethiopia ay madaafiic ku garaaceen dhowr goobood oo magaalada Muqdisho ka
tirsan.
Source:BBC(London)
Ogadennews.com -
CONTACT BY EMAIL
|
SOMALI MAQAAL
|
Doollo Suugaan
Shirkii odayaal
dhaqameedka ee ay London ku qabteen halkan ka dhageyso
isaga oo cod ah
