SOMALI LINKS
|
3/02/10,
Kenya waxay xoojisay ammaanka soohdinta ay la leedahay Soomaaliya, ka dib markii uu soo baxay soo
war sheegaya in dowladda Soomaaliya TFG ay damacsan tahay in ay weerar ku qaaddo kooxaha Islaamiyiinta
ee ka soo horjeeda.
Sida uu sheegay Guddoomiyaha Degmada Lagera, Winston Murungi, ciidan hor leh ayaa la dhigay soohdinta
kuwaas oo ilaalinaya meelaha laga cabsi qabo in laga soo galo Kenya.
Dowladda KMG-ka ah ee Soomaaliya, ayaa la filayaa in ay weerar ku qaaddo Shabaab iyo kooxaha kale ee
Islaamiyiinta ee iyada ka soo horjeeda.
Mar kasta oo weerarro culculus ay ka dhacaan magaalada Muqdisho, waxaa kordha tirada qaxootiga
Soomaalida ee u tallaabaya Kenya.
Dalka Kenya iskuma fiicna Shabaab oo ka talisa gobollada Soomaaliya ee Kenya soohdinta la leh,
waxayna Shabaab ku eedeysay Kenya in ay tababbareyso ciidan Soomaaliyeed oo qorshuhu yahay in ay
weeraraan goobaha Shabaab ee gobollada Jubbooyinka ee Soomaaliya.
Source: AP
ogadennews1@hotmail.com

|
SOMALI MAQAAL
|